太陽能城市，係大家成日講的拯救地球的新科技新方向，可惜，呢個concept係短短幾年就已經out-date了。
點解我咁講？
早幾日打電話想要一個太陽能照明的quotation，司傅問了一些項目要求，大致了解我想要Ｄ咩，最後一個問題，令我絕望了：
司傅: 小姐，你個site係邊區呀？
日青: 銅鑼灣啊~
司傅: 銅鑼灣有好多高樓架bor~~
日青: 我知，就係咁岩得咁Ｑ我處冇樓遮擋，我先搵你啫
司傅: 唔係呀，小姐，除佐高樓之外，污染都唔得架。會吸唔到光架。
日青: 吓？
污染會少佐Ｄ光？係bor, 咁簡單的道理！
依家污染成咁，個天日日都係灰黃色。 點樣用太陽能打救香港，打救全世界呀？
仲有，少佐光，其實Ｄ樹會唔會餓親架？ 光合作用要有光先得架bor... 少佐光咁Ｄ二氧化碳要變做植物的"parts"又慢佐？仲會少佐氧氣輸出？
咁Ｄ蔬果係咪又會生得慢佐少佐架！
仲有呢! 之前我講過的Laputa環保鋪路磚，有層titanium coating, 當有陽光照的時候，可以將空氣中的sulphur (電廠和迪士尼煙花的污深） 轉化為"礦物鹽"，咁少了光又冇咁effective!!!!
邊個邊個科學家仲話要放Ｄ傘係向住太陽為地球降溫？有冇唸呢Ｄ野架？！
